இதனால் இப்போகத்திற்கான பயிர்ச்செய்கை நடவடிக்கைகளைத் தொடர்ந்து முன்னெடுப்பதில் கடுமையான சிரமங்கள் ஏற்பட்டுள்ளதாக அவர்கள் தெரிவித்துள்ளனர். அதேவேளை சந்தையில் ஒரு கிலோகிராம் நெல்லின் விலை 100 முதல் 105 ரூபா வரை குறைந்துள்ளதால் பயிர்ச்செய்கைக்காக செலவிட்ட முதலீட்டுத் தொகையைக்கூட மீட்டெடுக்க முடியாத நிலை உருவாகியுள்ளதாகவும் அவர்கள் கவலை வெளியிட்டுள்ளனர்.
இந்த நிலை தொடர்ந்தால் நாட்டின் விவசாயக் குடும்பங்கள் வாழ்வாதார நெருக்கடியில் சிக்கிக் கொள்ளும் அபாயம் உள்ளதாகக் குறிப்பிட்டுள்ள அமைப்பு அரசாங்கம் உடனடியாக தலையிட்டு உர மானியங்களை அதிகரிப்பதோடு உர விலையைக் கட்டுப்படுத்த அவசர நடவடிக்கைகளை மேற்கொள்ள வேண்டும் என வலியுறுத்தியுள்ளது. கோரிக்கைகள் புறக்கணிக்கப்படுமானால் நாடு முழுவதிலுமுள்ள விவசாயிகளை ஒன்றிணைத்து கொழும்பில் சிவில் போராட்டங்களை நடத்தத் தயார் எனவும் அந்த அமைப்பு தெரிவித்துள்ளது.
