விமான பயணிகளுக்கான இழப்பீடு மற்றும் டிக்கெட் பணம் திரும்பப் பெறும் (Refund) நடைமுறையில் அரசு புதிய மாற்றங்களை அறிவித்துள்ளது. 2025 ஆகஸ்ட் 5 அன்று வெளியிடப்பட்ட அரசாணையின் அடிப்படையில் விமானம் ரத்து செய்யப்படுதல், அதிக நேர தாமதம், அல்லது பயணிகளை ஏற்ற மறுப்பது (Denied Boarding) போன்ற சூழ்நிலைகளில் ஏற்படும் தகராறுகளை தீர்ப்பதற்கான நடைமுறை மாற்றப்பட்டுள்ளது.

இந்த புதிய விதிமுறைகள் 2026 பிப்ரவரி 7 முதல் அமலுக்கு வரும். இந்த மாற்றங்கள் அதிகரித்து வரும் விமான பயணிகள் புகார்களை எளிமையாகவும் விரைவாகவும் தீர்ப்பதற்காக கொண்டு வரப்பட்டுள்ளன. இனிமேல் பயணிகள் நீதிமன்றத்தை அணுகுவதற்கு முன் கட்டாயமாக மத்தியஸ்தம் (Mandatory Mediation) செய்ய வேண்டும்.

📢 உங்கள் வணிக விளம்பரங்களுக்கு இன்றே அழையுங்கள்!

WhatsApp / Call: +94 76 572 9042

இதற்காக சம்பந்தப்பட்ட விமான நிறுவனத்துக்கு எதிரான புகார்களை Tourism and Travel Mediator என்பவரிடம் பதிவு செய்ய வேண்டும். மத்தியஸ்தம் மேற்கொள்ளாமல் நேரடியாக வழக்கு தொடரப்பட்டால் அந்த வழக்கு ஏற்கப்படாது என்று அரசு தெளிவுபடுத்தியுள்ளது.

மேலும் இனிமேல் நீதிமன்றத்தில் மனு (Petition) தாக்கல் செய்ய முடியாது. பயணிகள் Summons மூலம் மட்டுமே வழக்கு தொடர வேண்டும். இந்த Summons ஒரு தனிப்பட்ட பயணியின் பெயரிலோ அல்லது ஒரே குடும்பத்தைச் சேர்ந்த பலர் சேர்ந்து ஒரே Summons மூலமாகவோ தாக்கல் செய்யலாம்.

இதில் கணவன்–மனைவி, பெற்றோர், குழந்தைகள், சகோதரர்கள், நான்காம் நிலை உறவினர்கள், சிவில் கூட்டாளிகள் அல்லது ஒன்றாக வசிப்பவர்கள் ஆகியோரும் அடங்குவர். இதன் நோக்கம் பெருமளவிலான வழக்குத் தாக்கல்களை கட்டுப்படுத்துவதாகும்.

அதே நேரத்தில் சில வழக்குகளுக்கு இந்த புதிய விதிகள் பொருந்தாது என்றும் அறிவிக்கப்பட்டுள்ளது. 2025 ஆகஸ்ட் 7க்கு முன் தாக்கல் செய்யப்பட்ட புகார்கள் அல்லது 2026 பிப்ரவரி 7க்கு முன் 4 ஆண்டுகளுக்கு மேற்பட்ட பழைய விமானப் பயண தகராறுகள் ஆகியவற்றுக்கு மத்தியஸ்தம் கட்டாயமில்லை.

இந்த புதிய நடைமுறை மூலம் விமான பயணிகளின் புகார்கள் விரைவாகவும் சட்டரீதியாக ஒழுங்குபடுத்தப்பட்ட முறையிலும் தீர்க்கப்படும் என அரசு தெரிவித்துள்ளது.