மயிலிட்டியில் ஐந்தாவது வாரமாக தொடரும் போராட்டம்

குறிப்பாக வலி. வடக்கின் 249, 256, 248, 251 மற்றும் 255 கிராம சேவையாளர் பிரிவுகளைச் சேர்ந்த மக்கள் தங்களது 651 ஏக்கருக்கும் அதிகமான காணிகள் இன்னும் விடுவிக்கப்படவில்லை என குற்றஞ்சாட்டுகின்றனர். ஒவ்வொரு வெள்ளிக்கிழமையும் தொடர்ச்சியான போராட்டங்களை முன்னெடுத்து வரும் மக்கள் எதிர்வரும் வெசாக் தினத்தில் மயிலிட்டி முழுவதும் கருப்புக்கொடிகளை ஏற்றி பாரிய அளவிலான போராட்டத்தை நடத்த தீர்மானித்துள்ளதாகவும் தெரிவித்துள்ளனர். மேலும் அரசியல்வாதிகள் சமூக செயற்பாட்டாளர்கள் மற்றும் அரச அதிகாரிகள் அனைவரும் நேரில் வந்து மக்களின் துயரத்தை காண வேண்டும் என போராட்டக்காரர்கள் கோரிக்கை விடுத்துள்ளனர்