பிரான்சில் விசா இல்லாமல் வேலை செய்தவருக்கு சம்பளம் வழங்கப்படாவிட்டால் அவர் சட்டப்படி தனது சம்பளத்தை கோர முடியுமா என்ற கேள்வி பல வெளிநாட்டு தொழிலாளர்களிடையே எழுந்து வருகிறது. இதுகுறித்து பிரான்ஸ் அரசின் அதிகாரப்பூர்வ சட்டங்கள் என்ன கூறுகின்றன என்பதை பார்க்கலாம்.

பிரான்சில் வேலை செய்ய வெளிநாட்டவர்களுக்கு செல்லுபடியாகும் தங்கியிருப்பு அனுமதி (Titre de séjour) மற்றும் வேலை அனுமதி (Autorisation de travail) அவசியமாகும். இருப்பினும் வேலை அனுமதி இல்லாத ஒருவரை வேலைக்கு அமர்த்தியிருந்தாலும் அவர் செய்த வேலைக்கான சம்பளத்தை வழங்காமல் இருக்க முதலாளிக்கு எந்த சட்ட உரிமையும் இல்லை. பிரான்ஸ் தொழிலாளர் சட்டம் வேலை செய்ததன் மூலம் உருவான தொழிலாளர் உரிமைகளை பாதுகாக்கிறது.

📢 உங்கள் வணிக விளம்பரங்களுக்கு இன்றே அழையுங்கள்!

WhatsApp / Call: +94 76 572 9042

பிரான்ஸ் தொழிலாளர் சட்டத்தின்படி வேலை அனுமதி இல்லாத வெளிநாட்டு தொழிலாளிக்கும் அவர் செய்த வேலைக்கான முழு சம்பளம் அதனுடன் தொடர்புடைய விடுப்பு தொகை மற்றும் சில சந்தர்ப்பங்களில் வேலை முடிவுக்கான இழப்பீடும் கிடைக்க உரிமை உண்டு. தொழிலாளரை சட்டவிரோதமாக வேலைக்கு அமர்த்தியிருந்தால் அந்த முதலாளியே அதற்கான பொறுப்பை ஏற்க வேண்டும்.

ஒரு முதலாளி சம்பளம் வழங்க மறுத்தால் தொழிலாளர் Inspection du Travail (தொழிலாளர் ஆய்வு அலுவலகம்) மூலம் புகார் அளிக்கலாம்.

அதேபோல் Conseil de Prud’hommes (தொழிலாளர் நீதிமன்றம்) மூலம் நிலுவை சம்பளம், விடுப்பு தொகை, இழப்பீடு உள்ளிட்ட உரிமைகளை கோரி வழக்குத் தொடரவும் முடியும். #

தொழிலாளர் தனது வேலை தொடர்பான ஆதாரங்களை சமர்ப்பித்தால் வேலை ஒப்பந்தம் எழுத்துப்பூர்வமாக இல்லாவிட்டாலும் வழக்கு தொடர முடியும்.

வேலை செய்ததை நிரூபிக்கக்கூடிய ஆதாரங்கள் மிகவும் முக்கியமானவை. உதாரணமாக

• வங்கி பரிமாற்ற பதிவுகள் சம்பள சீட்டு (இருந்தால்)
• WhatsApp / SMS உரையாடல்கள்
• வேலை நேர புகைப்படங்கள் அல்லது வீடியோக்கள்
• சக ஊழியர்கள் அல்லது வாடிக்கையாளர்களின் சாட்சி
• வேலை அட்டவணை
• ரசீதுகள் அல்லது பிற ஆவணங்கள்

நீதிமன்றத்தில் ஆதாரமாக ஏற்றுக்கொள்ளப்படலாம். மேலும் வேலை அனுமதி இல்லாத நபரை வேலைக்கு அமர்த்திய முதலாளிக்கு எதிராக பிரான்ஸ் அரசு கடுமையான நிர்வாக மற்றும் குற்றவியல் நடவடிக்கைகளையும் எடுக்கலாம்.

தற்போதைய சட்டங்களின்படி ஒவ்வொரு சட்டவிரோத தொழிலாளருக்கும் ஆயிரக்கணக்கான யூரோக்கள் அபராதம் விதிக்கப்படலாம். கடுமையான வழக்குகளில் குற்றவியல் தண்டனையும் விதிக்கப்படும்.

ஆனால் இந்த விவகாரத்தில் ஒரு முக்கிய விடயத்தையும் கவனத்தில் கொள்ள வேண்டும். சம்பளத்தை கோருவதற்கான தொழிலாளர் உரிமை இருந்தாலும் வேலை அனுமதி இல்லாமல் வேலை செய்திருப்பது குடிவரவு சட்டத்தின் கீழ் தனியாக பரிசீலிக்கப்படும் விடயமாகும். எனவே தொழிலாளர் உரிமையை பயன்படுத்தும் போது குடிவரவு தொடர்பான சட்ட ஆலோசனையையும் பெறுவது நல்லது.

பிரான்ஸ் அரசு (Service-Public) வெளிநாட்டு தொழிலாளர்களின் வேலை அனுமதி மற்றும் முதலாளி பொறுப்புகள் மற்றும் பிரான்ஸ் தொழிலாளர் உரிமைகள் தொடர்பான அரசின் அதிகாரப்பூர்வ வழிகாட்டி (OFII / Ministry of Labour) என்பவற்றை பார்வையிடுங்கள்